गणतन्त्र खबर, धरान । धरान-१६ स्थित रहेको यु एन नवोदयले गत भदौ १० गते भएको अकल्पनीय प्राकृतिक विपत्तिबाट प्रभावितहरूका लागि प्रधानमन्त्री दैवी प्रकोप उद्धार कोषमा रु. १,१२,१११ सहयोग जम्मा गरेको छ ।

यु एन नवोदयका  विद्यार्थी, शिक्षक, शिक्षिका, कर्मचारी तथा विद्यालय, +२, कलेज र कलेज  व्यवस्थापनको संयुक्त पहल एवं योगदानबाट संकलन गरी सोमबार प्रधानमन्त्री दैवी प्रकोप उद्धार कोषको आधिकारिक खातामा जम्मा गरिएको हो ।

​विपत्तिका बेला संस्थागत रूपमा ऐक्यबद्धता जनाउँदै सामाजिक उत्तरदायित्व पूरा गर्नु सबैको कर्तव्य भएको विद्यालयका प्रधानाध्यापक डम्बरकुमार तुम्बापोले बताए । ‘विपत्ति लगत्तै हाम्रा विद्यार्थी र शिक्षक-कर्मचारीहरूले व्यक्तिगत तथा स्वैच्छिक रूपमा राहत र सहयोग गरिएको सानो मानवीय प्रयास हो, जसले विपत्तिमा परेका आमा बुबा, दाजुभाइ तथा दिदीबहिनीहरूलाई मलम लगाउन सहयोग पुग्ने विश्वास लिएका छौँ ।’

​यु एन नवोदय केवल पठनपाठनमा मात्र सीमित नरही राष्ट्रिय संकट र सामाजिक अभियानहरूमा सधैँ अग्रपंक्तिमा रहँदै आएको छ । संस्थाका जनसम्पर्क अधिकृत रामबहादुर लिम्बूका अनुसार यु एन नवोदयले यसअघि पनि धरानको कोकाहा खानेपानी अभियानमा सहयोग गर्नुका साथै महावीर पुन नेतृत्वको राष्ट्रिय आविष्कार केन्द्र सञ्चालनका लागि समेत आर्थिक योगदान पुर्‍याइसकेको छ ।

‘शिक्षासँगै विद्यार्थीहरूमा सामाजिक उत्तरदायित्व र मानवीय भावनाको विकास होस् भन्ने हाम्रो उद्देश्य हो,’ जनसम्पर्क अधिकृत लिम्बूले भने । उनका अनुसार संस्थाले विगतदेखि नै विभिन्न सामाजिक अभियानमार्फत सहयोग गर्दै आएको छ । पछिल्लो सहयोग पनि सोही सामाजिक उत्तरदायित्वको निरन्तरता भएको उनले बताए ।

‘आगामी दिनमा पनि देशमा आइपर्ने जुनसुकै संकटमा यु एन नवोदय परिवार सहकार्य र सहयोगका लागि तयार रहनेछ,’ लिम्बूले भने ।

​

कोशीमा संविधान दिवस भव्य रूपमा मनाउने तयारी

# गणतन्त्र खबर

गणतन्त्र खबर, धरान । २०८३ सालको संबिधान दिवस भब्यताका साथ मनाउन कोशी प्रदेश सरकारले तयारी तिब्र बनाएको छ । असोज २,३ र ४ गते संबिधानदिवस भब्यताका साथ

भोटेकोशीको पीडामा धरान : भानुचोकमा बले श्रद्धाका दिपहरु

# गणतन्त्र खबर

गणतन्त्र खवर, धरान । रसुवाको भोटेकोशी नदीमा आएको विनाशकारी बाढीमा परी ज्यान गुमाउनेहरूको सम्झनामा धरानको भानुचोकमा विभिन्न संघ-संस्थाले दीप

इस्कोनद्वारा आयोजित वाक्कला प्रतियोगितामा नवोदय कलेजकी रिदिमा प्रथम, नगद पुरस्कारसहित सम्मानित

# गणतन्त्र खबर

गणतन्त्र खवर, धरान । धरान १६ स्थित नवोदय कलेजकी छात्रा रिदिमा भुजेलले यस वर्षको अन्तर-विद्यालय वाक्कला प्रतियोगिताको उपाधि चुमेकी छन् । इस्कोन