गणतन्त्र खवर, श्रावण १०, धरान । धरान-१६ मा रहेको नवोदय +२ युएन कलेजले कक्षा ११ मा होटल म्यानेजमेन्ट पढ्ने विद्यार्थीहरूका लागि अभिमुखीकरण र होटल भ्रमण कार्यक्रम गरेको छ ।

कलेजले विद्यार्थीहरूको सैद्धान्तिक भन्दा पनि व्यावहारिक पक्षबाट शिक्षा हासिल गराउन कोशी प्रदेशकै पहिलो र राम्रो पाँच तारे होटलमा लगेर उनीहरूलाई भ्रमण गराइएको जनाएको छ । कलेजका प्रिन्सिपल डम्बर कुमार तुम्बापोले भने, ‘होटल म्यानेजमेन्ट विषय सिद्धान्त मात्र होइन, यो पूर्ण रूपमा व्यावहारिक विषय हो । विद्यार्थीहरूले दुवै कुरा एकैचोटि सिकून् भनेर यो कार्यक्रम गरिएको हो ।’

भ्रमणका बेला होटल म्यानेजमेन्ट संयोजक गगनमान श्रेष्ठ र प्राक्टिकल संयोजक सिर्जना लिम्बूले होटल म्यानेजमेन्ट विषयको महत्त्व र विदेशमा पनि यसको राम्रो सम्भावना रहेको बारेमा विद्यार्थीहरूलाई विस्तृत जानकारी दिएका थिए ।

कलेजका जनसम्पर्क अधिकृत राम बहादुर लिम्बूका अनुसार कलेजले समयअनुसार विभिन्न विषयका विद्यार्थीहरूलाई यस्ता अभिमुखीकरण र भ्रमण कार्यक्रमहरू नियमित रूपमा गराउँदै आएको छ । भविष्यमा पनि यस्ता कार्यक्रमहरू जारी राखिने उनले बताए ।

विद्यार्थीहरू निकै उत्साहित देखिएका थिए । धेरैजसो विद्यार्थीहरू कक्षा ८ देखि नै युएन कलेजमा पढ्ने सपना बोकेर आएका थिए । उनीहरूले भने, “किताब पढेर मात्र होइन, वास्तविक पाँच तारे होटलको काम प्रत्यक्ष हेर्न र सिक्न पाउँदा हाम्रो पढाइ अझ राम्रो भयो ।”

विश्वका उत्कृष्ट १० विज्ञमा वी.पी. प्रतिष्ठान धरानका डा.अजय यादव चयन

# गणतन्त्र खबर

गणतन्त्र खवर, श्रावण १२, धरान । वी.पी. कोइराला स्वास्थ्य विज्ञान प्रतिष्ठान, धरानका जनरल प्राक्टिस तथा इमर्जेन्सी मेडिसिन विभागका एडिसनल प्रोफेसर एवं

युएन कलेजद्वारा उत्कृष्ट दुई विद्यार्थीलाई सम्मान

# गणतन्त्र खबर

गणतन्त्र खवर, श्रावण ११, धरान । धरान-१६ स्थित युएन कलेजले आफ्ना दुई जना उत्कृष्ट विद्यार्थीलाई सम्मान गरेको छ । प्रतिभावान विद्यार्थी प्रशन श्रेष्ठ

विजयपुर विवाद : संवादलाई निरन्तरता, चिण्डो उखालिएको घटनाको छानबिनको माग

# गणतन्त्र खबर

गणतन्त्र खवर, श्रावण ११, धरान । ऐतिहासिक विजयपुर दरबार परिसरमा पछिल्ला केही महिनादेखि चलिरहेको विवादका बीच त्यहाँ राखिएका राई समुदायका सांस्कृतिक