झापामा पिकअप गाडीको ठक्करबाट पैदलयात्रीको मृत्यु

गणतत्र खबर
१९ श्रावण, २०८३

गणतन्त्र खबर, श्रावण १९, धरान । झापाको कन्काई नगरपालिका-४ कोटिहोमस्थित पूर्व-पश्चिम राजमार्गमा पिकअप गाडीको ठक्करबाट एक ज्येष्ठ नागरिकको मृत्यु भएको छ ।

सोमबार बिहान ६ः३० बजे दमकबाट बिर्तामोडतर्फ आउँदै गरेको मे.१.च.५१०४ नम्बरको पिकअप गाडीले बाटो क्रस गर्दै गरेका पैदलयात्रीलाई ठक्कर दिएको हो ।

मृतक कन्काई नगरपालिका-४ बस्ने करिब ७० देखि ७५ वर्षीय प्रल्हाद शिवाकोटी रहेका छन् । पिकअप गाडीको ठक्करबाट उनको टाउको र शरीरका विभिन्न भागमा गम्भीर चोट लागेको थियो । उनी बोल्न नसक्ने अवस्थामा थिए । घाइतेलाई तत्काल प्रादेशिक अस्पताल भद्रपुर लगिएकोमा बिहान ७ः५० बजे चिकित्सकले उनलाई मृत घोषणा गरेका छन् । लास अस्पतालको शवगृहमा राखिएको छ ।

पिकअप चालक इलामको सूर्योदय नगरपालिका-३ बस्ने ३३ वर्षीय अरुण शर्मा हुन् । उनलाई इलाम जिल्ला प्रहरी कार्यालय सुरूङ्गाको नियन्त्रणमा लिइएको छ । प्रहरीले प्रारम्भिक अनुसन्धानमा गति मापन नभएको जनाएको छ । थप अनुसन्धान भइरहेको छ।

झापामा पिकअप गाडीको ठक्करबाट पैदलयात्रीको मृत्यु

प्रतिकृया दिनुहोस

धरानमा बजेट विवाद चुलिँदै, कार्यवाहक नगर प्रमुख र जनप्रतिनिधिबीच आरोप-प्रत्यारोप

# गणतन्त्र खबर

धरानमा '१८३१ लिम्बुवान-गोरखा सन्धि' स्मरण, किरायाको ३९औँ स्थापना दिवसमा दिप प्रज्वलन

# गणतन्त्र खबर

आज हुने भनिएको धरान उपमहानगरपालिकाको नगरसभा स्थगित

# गणतन्त्र खबर