मोरङमा मोटरसाइकल अनियन्त्रित भई दुर्घटना हुँदा एकको मृत्यु

गणतत्र खबर
२० श्रावण, २०८३

गणतन्त्र खबर, श्रावण २०, धरान । मोरङको बेलबारी नगरपालिका-९ गैराखुनीस्थित डाँगाबजारबाट बाउनीतर्फ जाने भित्री बाटोमा मङ्गलबार राति मोटरसाइकल दुर्घटना हुँदा एक जनाको मृत्यु भएको छ ।

प्रहरीका अनुसार, को.३२ प.३२४३ नम्बरको मोटरसाइकल अनियन्त्रित भई दुर्घटना भएको हो । दुर्घटना राति ११ बजे भएको थियो ।

मृतक मोटरसाइकल चालक सोही ठाउँका २९ वर्षीय सनम खवास हुन् । उनी गम्भीर घाइते भई बिराट नर्सिङ होम विराटनगर लगिएका थिए । मंगलबार राती १ बजे चिकित्सकले उनलाई मृत घोषणा गरेका छन् । लास घरमा राखिएको छ ।

स्थानीयवासीले बुधबार बिहान १० बजे बेलबारी इलाका प्रहरी कार्यालयमा जानकारी गराएपछि निरीक्षक राजीव गिरीको कमान्डमा इलाका प्रहरी र ट्राफिक पोस्ट बेलबारीको टोली घटनास्थल पुगेको थियो । मोटरसाइकल बेलबारी इलाका प्रहरी कार्यालयको नियन्त्रणमा छ ।

प्रहरीका अनुसार चालकले मादक पदार्थ सेवन गरेका थिए भने लापरबाही नै दुर्घटनाको मुख्य कारण रहेको जनाइएको छ । थप अनुसन्धान भइरहेको छ ।

मोरङमा मोटरसाइकल अनियन्त्रित भई दुर्घटना हुँदा एकको मृत्यु

प्रतिकृया दिनुहोस

धरानमा बजेट विवाद चुलिँदै, कार्यवाहक नगर प्रमुख र जनप्रतिनिधिबीच आरोप-प्रत्यारोप

# गणतन्त्र खबर

धरानमा '१८३१ लिम्बुवान-गोरखा सन्धि' स्मरण, किरायाको ३९औँ स्थापना दिवसमा दिप प्रज्वलन

# गणतन्त्र खबर

आज हुने भनिएको धरान उपमहानगरपालिकाको नगरसभा स्थगित

# गणतन्त्र खबर