गणतन्त्र खवर, धरान । सुनसरी र मोरङमा हिजो भदौ ३० गते भएका छुट्टाछुट्टै सवारी दुर्घटनामा दुई जनाको मृत्यु भएको छ भने पाँच जना घाइते भएका छन् ।

सुनसरीको भोक्राहा नरसिंह गाउँपालिका-४ जनता चोकस्थित पूर्व-पश्चिम राजमार्गमा मंगलबार दिउँसो मोटरसाइकल र सिटी सफारी ठोक्किँदा एक जनाको मृत्यु भएको छ । दुर्घटनामा पाँच जना घाइते भएका छन् ।

पूर्वबाट पश्चिमतर्फ जाँदै गरेको प्रदेश १-०२-०६० प १७६७ नम्बरको मोटरसाइकल र विपरीत दिशाबाट आउँदै गरेको सिटी सफारी एकआपसमा ठोक्किएका थिए । दुर्घटनामा मोटरसाइकलमा सवार सुनसरीको कोशी गाउँपालिका-३ का २३ वर्षीय जितेनकुमार मोचीको उपचारका क्रममा मृत्यु भएको प्रहरीले जनाएको छ ।

दुर्घटनामा घाइते पाँच जनाको विभिन्न अस्पतालमा उपचार भइरहेको छ । उनीहरूको अवस्था सामान्य रहेको प्रहरीले जनाएको छ ।

यस्तै, मोरङको सुनवर्षी नगरपालिका-८ हर्चनगदी पुलमा मंगलबार राति मोटरसाइकल दुर्घटना हुँदा एक जनाको मृत्यु भएको छ ।

डाइनियाबाट सिक्टीतर्फ जाँदै गरेको BR 38 L 7920 नम्बरको मोटरसाइकल अनियन्त्रित भई पुलबाट करिब ८ मिटर तल खसेर दुर्घटना भएको प्रहरीले जनाएको छ ।

दुर्घटनामा मोटरसाइकल चालक भारत अररियाका करिब ४० वर्षीय मुना मण्डल र पछाडि सवार सुनवर्षी-८ का करिब ३५ वर्षीय दिपेश मण्डल घाइते भएका थिए ।

गम्भीर घाइते मुना मण्डलको उपचारका क्रममा मृत्यु भएको हो । दिपेश मण्डलको अवस्था सामान्य रहेको प्रहरीले जनाएको छ ।

दुवै दुर्घटनाको कारण तीव्र गति रहेको प्रारम्भिक विवरण प्रहरीले दिएको छ ।

संविधान दिवसमा धरानमा एमाले-नेपाली कम्युनिष्ट पार्टीको संयुक्त दीप प्रज्वलन

# गणतन्त्र खबर

गणतन्त्र खवर, धरान । नेपाली जनताको त्याग, बलिदान र संघर्षको फलस्वरूप वि.सं.२०७२ साल असोज ३ गते संघीय लोकतान्त्रिक गणतन्त्र नेपालको संविधान जारी भएको

नवआगन्तुक विद्यार्थीको स्वागतमा धरान मेघा हिमालयनको भव्य सांगीतिक कार्यक्रम

# गणतन्त्र खबर

गणतन्त्र खवर, धरान । धरान-१२ मा रहेको मेघा हिमालयन कलेजले कक्षा ११ मा नयाँ भर्ना भएका विद्यार्थीलाई सांगीतिक तथा मनोरञ्जनात्मक कार्यक्रम आयोजना गरी

इलाम र ओखलढुंगामा सवारी दुर्घटना, तीन जनाको मृत्यु

# गणतन्त्र खबर

गणतन्त्र खवर, धरान । इलाम र ओखलढुंगामा भएका छुट्टाछुट्टै सवारी दुर्घटनामा तीन जनाको मृत्यु भएको छ । इलामको देउमाई नगरपालिका-१ साधुगाउँमा बिहीबार जिप